o/14A - 17 April

0/14A: vs SACS

Die 0/14A rugbyspan het op Saterdag 17 April teen SACS gespeel. Vanaf die eerste minuut van die wedstryd het SACS die bal lekker rond gegooi, maar die goeie verdediging van die Stellies agterlyn het beindruk en SACS tot talle foute gedwing. In die 10 minuut van die wedstryd het die Stellies se puik agsteman, Morne Oosthuizen, na ‘n lynstaan beweging gaan druk. Heelagter Tiaan Swanepoel, het skitterend verdoel vanaf die kantlyn. In die 20ste minuut het die skitterende heelagter, Tiaan Swanepoel, met ‘n puik teen aanval begin. Hy het ‘n hele paar verdedigers in die lug laat gryp voordat hy vir die senter, JD Bornman deur ‘n gaping gestuur het. Hy het op sy beurt laat loop na die vleuel Joshua Malherbe wat mooi afgerond het in die hoekie. Rustyd 12-0. In die tweede helfte het die stryd baie gelykop verloop. Die Stellies het die wedstryd finaal beklink met ‘n strafdoel deur Tiaan Swanepoel. Eindtelling: 15-5.
Vir die Stellies het hul senterpaar van JD Bornman en Dean du Toit goed verdedig. Tiaan Swanepoel was puik op die aanval, slot AB Bester het stewig in die lynstane vertoon en Morne Oosthuizen was ‘n yster op aanval en verdediging.
Geluk aan die 0/14A span met nog ‘n stewige vertoning!